طليقي ساكن معايا في نفس الشارع
“بصلته بفضول وقلت له: “اتفضل يا بشمهندس.”ابتسم ابتسامة هادية وقال:ـ “أنا بلاحظ دائمًا في عينيكي نظرة قوة.. بس قوة جاية بعد وجع كبير. القوة اللي عند البني آدم اللي اتكسر وتعلم إزاي يلم حتته بنفسه ويبنيها من جديد.
أنا صح؟”سكت ثواني. السؤال لمس حاجة عميقة جوايا، بس المرة دي مكنش فيه أي خجل أو خوف إني أقول الحقيقة. بصلته بثبات وقلت:ـ “صح يا آسر.. أنا مريت بتجربة صعبة، تجربة طلاق واستهانة بكرامتي، وحاولت أتعلم منها إني مسمحش لأي حد في الدنيا إنه يقلل مني أو يخليني أشك في قيمتي تاني.
“آسر فضّل باصص لي بنظرة مليانة احترام حقيقي وإعجاب ما حاولش يخفيه، وقال بصوت دافئ جداً:ـ “اللي يعامل واحدة بعقلك وأصلك وجمالك ده بالاستهانة.. يبقى أعمى وميعرفش قيمة الجواهر. التجربة دي ما قللتش منك يا أميرة، التجربة دي بس صقلتك، وعرفتني على إنك إنسانة نادرة جدًا.
“الكلمات خرجت منه ببساطة شديدة، بس كان لها أثر زي البلسم على قلبي. ومرت الأيام، والتقارب بيننا بدأ يأخد شكل أعمق. آسر بدأ يلمّح بالاهتمام الصريح، ومكنش بيخبي مشاعره ولا بيلعب ألعاب صبيانية. كان واضح، راجل بيقدم سبت عشان يطلب الأحد بشرف وكرامة.
وفي يوم، كنت نازلة من الشقة بدري، وكانت عربية آسر واقفة تحت العمارة مستنياني عشان نروح معاينة موقع جديد تبع الشغل، بناءً على اتفاق سابق بيننا. طلعت من باب العمارة وأنا بثقة وشياكة، وآسر نزل من العربية وفتح لي الباب بابتسامة راقية.
وفي اللحظة دي بالذات…لمحت طليقي واقف على أول الشارع عند كشك السجاير!كان واقف باصص ناحيتنا بذهول، عينيه هتطلع من مكانها وهو شايفني بركب عربية أحدث موديل مع راجل شكله ووقفته ورجولته تعديه بمراحل، شايف آسر وهو بيتعامل معايا بمنتهى النبل والتقدير ويقفل لي الباب بهدوء ويركب جنبه.
طليقي كان واقف مذهول ومصدوم، كأنه مكنش متوقع إن أميرة اللي كانت بتبكي عليه وبتمشي وراه في الشارع، هيجي اليوم اللي تتجاهله فيه تمامًا وكأنه نقطة هوا، ويكون جنبه راجل يقدرها ويعوضها عن كل لحظة ذل.
مشيت العربية، وأنا حتى مأديتش لنفسي فرصة ألتفت ورايا أو أبص عليه. عينيا كانت لقدام، للمستقبل اللي بيتبني. لكن الصدمة الحقيقية مكنتش في نظرة طليقي ولا في غيظه اللي كان باين عليه… الصدمة كانت بالليل، لما رن تليفون بابا برقم غريب، والجهة اللي كانت بتتكلم مكنتش متوقعة أبدًا، ولا الطلب اللي طلبوه كان يخطر على بال حد.