دخلت اوضه راجل بقيله السبع سنين
وعندي ورقة أخطر من العقد
سألته
ورقة إيه؟
قال
شهادة ميلاد طفل اتسجل بعد دخول أحمد المستشفى بشهرين
وسكت لحظة
وبعدين قال
الطفل ده مسجل باسم سمر
لكن اسم الأب
أحمد
قفلت المكالمة وأنا مش قادرة أصدق
وفي نفس اللحظة بصيت على يوسف
وبعدين بصيت ناحية أوضة أحمد
وقلت لنفسي
لو يوسف هو الطفل اللي أحمد كان بيمسك إيده
ولو سمر كانت حامل وقت دخوله المستشفى
يبقى إيه علاقة الطفل اللي اتسجل باسمه بالطفل اللي اتساب قدام الوحدة؟
وقبل ما أقدر أفكر في الإجابة
سمعت صوت سمر ورايا
وقالت
إنتي بتدوري على إيه بالظبط يا منى؟
ولما لفيت وبصيت في عينيها
كانت ماسكة صورة يوسف
وفي إيدها التانية ورقة عليها اسم أحمد
وقالت
لو فتحتي الملف ده
مش هتقدري ترجعي حياتك زي الأول
بصيت لسمر وهي واقفة قدامي ماسكة صورة يوسف والورقة اللي عليها اسم أحمد وحسيت إن الأوضة كلها ضاقت عليا
قلت لها
إنتي عايزة مني إيه؟
قربت مني وقالت
عايزاكي تنسي اللي شوفتيه
ضحكت بسخرية وقلت
بعد ما أحمد بدأ يستجيب؟
وشك اتغير وقالت
إنتي مش فاهمة حاجة
رديت
يبقى فهميني
سمر سكتت
ولأول مرة شفت الخوف الحقيقي في عينيها
قبل ما تتكلم داليا خرجت من أوضة أحمد وقالت
سمر لازم تبعدي عن المريض دلوقتي
بصت لها سمر وقالت
دي حياتي وجوزي وأنا أحق بيه
داليا ردت
جوزك دلوقتي مريض وتحت رعاية المستشفى وأي محاولة للتأثير على علاجه هتتحسب عليكي
سمر بصت لنا الاتنين وبعدين مشت من غير كلمة
أنا دخلت لأحمد
كان عينه مفتوحة لأول مرة من شهور
كانت نظراته ضعيفة بس واضحة
قربت منه وقلت
أحمد
رمش مرتين
قلت
إنت سامعني؟
رمش مرة
قلت
لو سمر كانت بتأذيك حاول تحرك صباعك
إيده اتحركت
دموعي نزلت
لكن داليا وقفتني وقالت
ما نسألوش أسئلة موجهة
لازم نتأكد إن استجابته حقيقية ومش مجرد رد فعل