دخلت اوضه راجل بقيله السبع سنين
يوسف
كنت حاسة إن ظهوره في حياة أحمد مش صدفة
رجعت لقسم الأطفال وطلبت أشوف ملفه
فتحت البيانات
تاريخ العثور عليه
تاريخ دخوله المستشفى
وزنه وقتها
كل حاجة كانت موجودة
لكن خانة الأم كانت فاضية
وخانة الأب كانت فاضية
وبعدين لقيت ورقة قديمة مرفقة بالملف
كانت نتيجة تحليل وراثي مبدئي اتعمل للطفل بناء على طلب جهة الرعاية
والنتيجة كانت لسه غير مكتملة
قلت لنفسي
طب ليه اتعمل التحليل أصلا؟
سألت زميلتي فقالت
الطفل كان لابس سلسلة صغيرة وقت ما اتلاقى
بس السلسلة اتسلمت للشرطة
وفيه اسم محفور عليها
مسكت نفسي من الصدمة
وقلت
اسم إيه؟
قالت
أحمد
قلبي وقع
رجعت لأوضة أحمد بسرعة
لقيت داليا واقفة جنبه
والأجهزة بدأت تظهر تغيرات بسيطة في النبض
قالت لي
الجرعة بدأت تقل
وأحمد بدأ يستجيب أكتر
قربت من ودنه وقلت
أحمد
لو سامعني حاول تحرك صباعك
ثواني
صباعه اتحرك
مرة
وبعدين مرة تانية
دموعي نزلت غصب عني
لكن داليا قالت
لسه بدري نفرح
لازم نعرف هو قادر يسمع ويفهم قد إيه
حطت قدامه صور وطلبت منه يغمض عينه لو سمع اسم معين
وفي كل مرة كان بيستجيب
أحمد كان واعي
بس جسمه ماكانش قادر ينفذ اللي جواه
وفجأة سمعنا صوت خبط قوي على الباب
دخل دكتور حسام وهو متوتر
وقال
لازم توقفوا الاختبارات دي حالا
داليا بصت له وقالت
ليه؟
قال
لأن الحالة غير مستقرة
ردت عليه
الحالة كانت غير مستقرة طول ٧ شهور
ومع أول تقليل للمهدئات بدأت تستجيب
الدكتور حسام سكت
وبعدين قال
أنا هبلغ الإدارة
خرج
وبعدها بدقائق جالي اتصال من رقم غريب
رديت
جالي صوت راجل بيقول
إنتي منى؟
قلت
أيوه
قال
أنا محامي أحمد
ولازم أقابلك قبل ما سمر تعرف إن أنا كلمتك
اتوترت وقلت
ليه؟
قال
عشان عندي نسخة من عقد المصنع