خطيبتي مات قبل الفرح
بعد كل ده؟
خصوصًا بعد كل ده.
حط وردة.
وبعدين رجع خطوة.
قال
أنا مش جاي أطلب منك ترجعيلي.
بصيت له.
كويس.
ابتسم بحزن.
أنا عارف إن اللي عملته فيكي مايتصلحش بكلمتين.
سكت.
كنت فاكر إني بحميكي.
قلت
وإنت ق/تلتني من جواك شوية.
هز راسه.
عارف.
قال
لو الزمن رجع
قلت
مايرجعش.
سكت.
قلت
ودي المشكلة.
بص لي.
قلت
أنا سامحتك على حاجة واحدة.
إيه؟
إنك بدأت تقرب مني عشان ورق أبويا.
وشه اتفاجئ.
لكن مش مسامحاك إنك خليتني أدفنك وإنت عايش.
نزل عينه.
من حقك.
أنا محتاجة وقت.
قال
خديه.
وممكن الوقت ده مايرجعناش لبعض.
دمعت عينه.
فاهم.
مشيت.
ولأول مرة
هو اللي فضل واقف وأنا اللي مشيت.
عدى ست شهور.
رجعت لشغلي.
مش بس رجعت.
فتحت استوديو صغير لتنسيق الأفراح.
وسميته
عمرو للزهور.
باسم أبويا.
أول فرح اشتغلته بعد كل اللي حصل
العروسة سألتني
إنتِ مش بتحبي الأفراح؟
ابتسمت.
قلت
بالعكس.
أمال ليه كل شوية بتبصي للباب؟
ضحكت.
عادة قديمة.
بعد الفرح، خرجت.
لقيت عربية واقفة.
ومحمود واقف جنبها.
ما شفتوش من 3 شهور.
قال
مساء الخير.
قلت
مساء النور.
أخبارك؟
كويسة.
سكتنا.
وبعدين مد لي حاجة.
علبة صغيرة.
قلت
إيه دي؟
افتحي.
فتحت.
لقيت جواها كورسيج ورد أبيض.
نفس التصميم اللي كنت عاملاه لأمه يوم الفرح المزيف.
ضحكت.
إنت بتهزر؟
قال
بحاول.
رفعت عيني له.
قال
مريم أنا مش جاي أقولك نرجع.
أمال؟
جاي أسألك سؤال أبسط.
إيه؟
ينفع نشرب قهوة؟
سكت.
كان ممكن أقول لأ.
وكان هيبقى من حقي.
لكن لأول مرة من وقت طويل
ماحسيتش إن اللي واقف قدامي شبح.
ولا عريس مات.
ولا راجل خدعني.
كان مجرد محمود.
إنسان غلط.
ودفع ثمن غلطه.
وأنا كمان بقيت إنسانة مختلفة.
قلت
قهوة بس.
ابتسم.
قهوة بس.
مشينا.
ما مسكش إيدي.
وما حاولش.
وبعد سنة كاملة
رجعنا.
مش لأن الماضي اتمسح.
ولا لأن كل حاجة اتنسيت.
لكن لأن المرة دي
ماكانش بينا أسرار.
وقبل فرحنا التاني بأسبوع، محمود وقف قدام قبر أبويا وقال
المرة دي مش ههرب.
ضحكت وأنا واقفة جنبه.
قلت
أحسنلك.
بص لي.
وإلا؟
قلت
المرة دي أنا اللي هدَفنك بجد.
ضحكنا.
وكانت أول مرة أقدر أضحك على كلمة دفن من غير ما قلبي يوجعني.
اتجوزنا في فرح صغير.
من غير قاعة ضخمة.
ولا تمثيليات.
ولا أسرار.
عفاف حضرت بهدوء بعد ما خلصت إجراءات قضيتها.
داليا ويوسف انفصلوا رسميًا، وداليا بدأت حياة جديدة بعيد عن العيلة.