كنت قاعد باكل نص ساندوتش
لما جوز أختنا عرف إن الأوراق الأصلية معايا ومع الولد، بدأ يطاردنا. هددني بالطرد من شغلي، وبعتلي بلطجية تحت البيت في شبرا… عشان كده أنا بقيت أخاف على عمر، وبقيت أخليه يستخبى، بس هو من كتر المحبسة والزهق، بيخرج من ورايا لما أكون في الشغل.
.. وما معندناش فلوس ناكل بيها حفتة عيش تسد جوعه.”
حسام كان بيسمع وكل كلمة بتزود جوة قلبه الإصرار. القضية مش مجرد حق مالي، دي قضية إنقاذ حيوات.
”الأوراق دي معاك فين دلوقتي؟” سأل حسام بجدية.
طارق رد: “شايلهم في خزنة محل واحد صاحبي بأمان، محدش يعرف طريقهم غيري.”
حسام ض. رب بيده على الترابيزة ببطء وقال: “تمام. من بكرة الصبح، الأوراق دي هتكون في مكتبي. أنا هرفع قضية تزوير واسترداد حق، وهطلب حماية أمنية للولد وليك. وبكرة الصبح كمان، عمر هيتسجل في مدرسته من جديد، وكل مصاريفه ومصاريف بيتك هتكفل بيها لحد ما الأرض ترجع وتتباع بأعلى سعر، وحق أختك يرجع للولد ده لحد آخر مليم!
”
طارق اتصدم. مش قادر يصدق إن ربنا أرسل له الراجل ده في الساعات الأخيرة من يأسه.”حضرتك… حضرتك بتتكلم جد؟ أنت مش عارف الناس دول ممكن يعملوا إيه.
..”
حسام ابتسم بصلابة وقال: “أنا عارف القوانين بتعمل إيه في اللي زي دول يا طارق. والناس اللي فاكرة إن الفلوس والنفوذ تخليها تاكل حق يتيم، هتشوف القانون على أصوله.”
في اللحظة دي، كان عمر وياسين بيلعبوا بلعبة صغيرة حسام كان اشترَاهالهم من المحل. عمر كان بيضحك من قلبه، ضحكة صافية خالية من أي هم، كأنه نسي كل أيام الجوع والخوف اللي عاشها في الشوارع.
طارق بص لعمر، وبعدين بص لحسام وقال بصوت مبحوح: “أنا مش عارف أشكرك إزاي… أنا كنت فاكر إن الدنيا خلاص ضلمت، وإن ربنا نسيني أنا وعمر.”
حسام بصلهم وقال بصدق: “ربنا مابينساش حد يا طارق. ربنا بس بيسبب الأسباب. يمكن كان لازم عمر يجوع النهارده وتقوده أقدامه قدام المطعم ده، ويمكن كان لازم ياسين يشوفه من ورا الإزاز، عشان كل ده يحصل. كل خطوة في الدنيا ليها حكمة.”
مرت الأيام والشهور بسرعة.
القضية اللي رفعها حسام الدين الألفي كانت حديث الساعة في أروقة المحاكم. بفضل خبرته ونفوذه القانوني، قدر يثبت تزوير العقود، ويكشف التهديدات اللي تعرض لها طارق وعمر. وفي خلال ستة أشهر فقط، صدر حكم قضائي نهائي باسترداد أرض العائلة، وتم بيعها بملبغ مجزٍ جُعل في حساب بنكي مغلق باسم عمر، لا يفتح إلا عند بلوغه السن القانوني، مع وصاية مالية وإدارية لحسام وطارق معاً.