الرساله جتلي

بصلته ببرود وقلت بصوت مسموع للكل:
— العملية نجحت والحالة استقرت، بس ممنوع عنه أي انفعال أو زيارة لمدة أسبوع.
​جيهان خطت خطوة وقالت بتحاول تفرض وجودها:
— أنا مراته ودلوقتي من حقي أدخله وأطمن عليه..
بصلتها فوق لتحت وقلت بابتسامة هادية:
— أنتِ مراته على الورق، بس أنا الدكتورة المسؤولة عن حياته. والتقرير اللي كتبته جوة بيلغي أي صفة ليكِ في إدارة حالته الطبية. لو حد دخل عنده وضغطه علي، أنا هبلغ النيابة بتهمة الإهمال وتعريض حياة مريض للحظر.
​وش جيهان اتقلب وأصفر، ويوسف بصلي وهو مش مصدق القوة اللي بتكلم بيها.
​بعد يومين، الحج جلال فتح عينيه وبقى واعي. أول ما شافني مسك إيدي وعينيه دمّعت:
— يا ياسمين يا بنتي.. يوسف عمل إيه؟ أنا عرفت باللي حصل يوم الفرح..
قلتله بهدوء وأنا بظبطله المحلول:

— يا حاج جلال، أنت صحتك عندي بالدنيا، والحمد لله إن ربنا قدرني وأنقذتك. بس اللي بيني وبين يوسف انتهى خلاص يوم ما اختار يكتب كتابه على غيري قبل فرحنا بساعات.
الحاج جلال أصر يتكلم مع يوسف قدامي، ولما يوسف دخل الأوضة، الحاج جلال قالوله بكل حسم:
— أنت خرجت من حساباتي، والشركات والممتلكات اللي كانت هتدور بإدارتك أنت وياسمين، ياسمين هي المعتمدة الوحيدة لإدارتها طبياً ومالياً فيما يخص المؤسسة والمستشفى، وأنت مالكش عندي غير نصيبك الشرعي وبس.
​يوسف حاول يبكي ويتأسف:
— يا جدي.. أنا اتدبست وجيهان ضغطت عليا..
رديت عليه أنا المرة دي:
— الراجل اللي بيتدبس في جوازة يوم فرحه، ما ينفعش يشيل مسؤولية بيت ولا عيلة يا يوسف. أنت اخترت السهلة، واستسهلت إهانتك ليا فاكر إني هبلعها عشان خاطر جدك.
​بعد أسبوعين، المستشفى استلمت كافة المستحقات المالية اللي دفعتها في الفرح المليغى بعد ما المحامية بتاعتي رفعت قضية رد قيمة وحفظ حقوق، ويوسف اضطر يدفع كل جني بإنذار رسمي عشان يمنع وصول القضية للصحافة والميديا.
​جيهان ويوسف جوازهم ما كملش أربع شهور؛ الخناقات بدأت على الفلوس والمظاهر، ولما اكتشفت إنه ما بقاش المسؤل عن تركة جده الكبيرة، سابته ورفعت عليه قضية خلع.
​أما أنا.. فرجعت أركز في شغلي، وكبرت شغلي في جراحة القلب، وعرفت إن أكبر انتقام مش إنك تؤذي اللي أذاك.. الانتقام الحقيقي إنك تخليه يشوفك وأنت بتنقذ حياتهم وبتقف على رجلك من غير ما تحتاج وجودهم لحظة واحدة.
​الست القوية مش هي اللي بتعمل هيصة وصويت لما تتظلم.. الست القوية هي اللي بتعرف تانسحب في الوقت المناسب، وترجع وهي ماسكة كل خيوط اللعبة في إيدها.