قبل فرحي ب12يوم

​رنا حطت إيدها على صدرها بتمثيل:
— مريم.. هو ده عشان سفرية دبي؟
— جزء منه عشان دبي.
​كريم رمى الأوراق على الترابيزة بغضب:
— أنا مش قلت لك إنك ممكن تطلعي الطيارة اللي بعدها وتيجي؟
​طلعت كشف الحساب والإيصالات:
— وهل كنت هتفهمني دي كمان بعدها؟
​بص للورق، ولأول مرة يتخرس وما يعرفش يرد.
​— اشتريت تذكرة رنا قبلها بـ 6 أيام. ولغيت تذكرتي أنا قبلها بيومين. غيرت الكرسي بتاعي وحطيتها هي مكاني، ودفع كل ده من حسابنا المشترك.
​رنا بصت لكريم بذهول:
— أنت قلت لي إن مريم هي اللي قررت تسافر بعدينا!
​كريم جز على سنانه. النقطة دي صدمتني.. رنا كانت عارفة أنها مسافرة معاه، بس ظاهرياً ماكانتش تعرف إن اسمي اتمسح تماماً من الحجز.
​— كريم —قلت له وأنا ببص في عينه دايركت— بص لي هنا.. كدبت عليا ليه؟
— عشان كنت عارف إنك هتعملي الحركة دي!
— ألغي الفرح؟
— تعملي مشكلة من لا شيء عشان رنا!
​وده كان الرد. مافيش أي تأنيب ضمير، مافيش كسوف.. كان عنده يقين تام إن المشكلة في حدودي أنا اللي برفض أبقى هامش.
​— طب فسر لي حاجة ثانية —قلت وأنا بفتح فايل معايا— ليه الحساب المشترك بتاعنا فيه 4 عمليات سحب ثانية ليها علاقة برنا خلال الـ 7 شهور اللي فاتوا؟
​وشه أبيضّ تماماً. أمي عقدت حواجبها ورنا بطلت تمثيل العياط.
​أنا فتحت الفايل اللي أخدته معايا من الشركة. ماكنتش فاهمة كل المبالغ دي بتدفع لإيه بالظبط، بس كان فيه تحويل رايح لشركة عقارات، وتحويل شهري ثابت، وأخر تحويل اتعمل من 3 أسابيع بس وكان مكتوب فيه ملاحظة جمدت الدم في عروقي: “مقدم شقة ر. م.”
​بصيت لرنا:
— أنتِ تعرفي حاجة عن الشقة دي؟
​رنا هزت رأسها بنفي وهي مش فاهمة.
​كريم وقف بسرعة وهو متوتر جداً:
— مريم.. الكلام ده ما ينفعش يتقال هنا!
​قفلت الفايل بصوت عالٍ:
— تمام أوي.. بكره الصبح هنتكلم في البنك، وبحضور مدير الفرع وخدمة العملاء اللي بيتابعوا القرض العقاري بتاع شقتنا.
​كريم وشه اصفرّ وكان هيروح فيها من الصدمة. ومن رد فعله، تأكدت إنه مخبي مصيبة أكبر بكتير أنا لسه ما وصلتلهاش.الجزء الثالث والاخير
​كريم حاول يمسك إيدي وهو وشه جايب ألوان:
— مريم، ارجعي لِعقلك، أنتِ فاهمة الموضوع غلط خالص!
— هعرف الصح بكره في البنك —رديت بهدوء وأنا ببعد إيدي عنه.
​طلعت من شقة أمي وسيبتهم في حالة ذهول وتوتر. طول الليل، تليفوني ما بطلش رن، كريم اتصل فوق الـ 20 مرة، وأمي تبعت لي رسائل: “يا مريم بلاش تخربي بيتك قبل ما يبدأ، اتفاهمي مع خطيبك”. حتى رنا بعتت لي مسج: “والله يا مريم أنا معرفش حاجة عن موضوع الشقة ده، كريم كان بيساعدني بس!”.
​أنا ما رديتش على مخلوق. أخدت دوش دافي، وقعدت ألم حاجتي من الشقة.
​تاني يوم الساعة 9 الصبح، كنت واقفة قدام البنك. كريم جه ورايا بعد دقائق، كان شكله ما نامش طول الليل، عينيه حمرا وقميصه مش متوضب.
— مريم، أرجوكي، بلاش نعمل فضايح هنا.. تعالى نقعد في أي كافيه وأنا هفهمك كل حاجة.
— الفضايح أنت اللي عملتها بفلوسي —رديت وأنا بدخل البنك.
​سحبنا رقم ودخلنا لمدير الفرع اللي كان بيتابع ملف القرض العقاري لشقتنا.
​أول ما قعدنا، طلعت الأوراق ورصيتها قدامه:
— أنا شريكة في الحساب ده، وعايزة كشف حساب تفصيلي بأسماء المستفيدين من كل التحويلات اللي تمت أخر سنة.
​كريم حاول يتدخل:
— يا أستاذ سامح، أنا وهي عرسان وفيه بس سوء فهم بسيط…
— لو سمحت يا كريم، الأستاذة مريم من حقها تتطلع على كل حركة في الحساب —مدير الفرع قالها بحزم وهو بيفتح السيستم.
​بعد دقائق من السكوت التام، مدير الفرع بصلنا بملامح جادة، وبعدين بص لكريم وقال:
— أستاذ كريم.. التحويلات اللي بتسأل عليها الأستاذة مريم دي رايحة لحساب بشركة تطوير عقاري، باسم الأستاذة رنا.. بس ده مش كل حاجة.
​قلبي بدأ يدق بسرعة:
— يعني إيه مش كل حاجة؟
— الحساب المشترك بتاعكم اتبصم عليه بضمان القرض العقاري لشقتكم، وفيه تحويل شهري لشركة إيجار سيارات فاخرة، بالإضافة لأن الحساب تم استخدامه كضمان لشيكات بدون رصيد باسم أستاذ كريم لصالح شخص ثاني.
​هنا السر اللي كان مخبيه!
​كريم ماكانش بس بياخد من تحويشة فرحنا عشان يشتري رنا بفسح وهدايا.. كريم كان بيلبسني معاه في ديون وقروض عشان يعمل بطل قدام رنا، وكان بيكتب شيكات بضمان الحساب المشترك بتاعنا عشان يغطي مصاريف شقة رنا الجديدة وعربيتها!
​بصيت له بحسرة: