خمس سنين وانا بدعى
الهوا اتقطع من صدري.. — “سرقوني واستغلوا مو.ته علشان يصفوا الشركة لحسابهم!” الأستاذ طارق وشه اصفر: — “أنا كلمت الدائنين وقتها.. الحاجة سعاد أصرت تسدد الدين ده من نصيبها في الورث!” — “نصيبها خرج من باب البنك ودخل من الباب التاني لحساب ابنها!” في نفس اليوم أجرت تحريات خاصة. خلال 48 ساعة عرفنا إن نادين زكي كانت خطيبة رامي أيام جامعة المنصورة، وأبوها -صاحب شركة مقاولات مفلسة- استلم تحويلات بملايين من حسابات سعاد. الولد سليم اتولد في الإسكندرية.. وفي نفس يوم الولادة، رامي كان حجز باسمه في فندق قصاد المستشفى، ورجع بليل المعادي يشتريلي ورد في عيد جوازنا!
الورد ده أنا كنت لسة شايلاه مجفف جوه كتاب! اليوم التالت، رحت مدافن الوفاء والأمل قبل الفجر. قعدت على دكة قصاد التربة واستنيت.. الساعة تسعة وربع، العربية الجيب السودا وصلت. نزل منها سعاد، ورامي، ونادين، والولد. سليم كان ماسك بوكيه عباد شمس. رامي ركع قدام الشاهد اللي مكتوب عليه اسمه، ظبط الورد وقال للولد: — “سلم على عمك رامي الله يرحمه.” سعاد ضحكت ضحكة مكتومة، خبيثة ومستفزة. سجلت كل حاجة بالموبايل من ورا شجرة.
لما مشيوا، قربت من التربة. تحت الورد كان فيه كيس بلاستيك شفاف، جوة الكيس صورة سونار تاريخها قبل العزا بسنة، ومعاها ورقة بخط سعاد: “ده ولد.. عيلتك الحقيقية مستنياك، ما تضيعش عمرك مع إيلينا.” رجليا ما شالتنيش.
بالليل، فتحنا حساب قديم لرامي على “إيميل” الشركة. سارة سكرتيرتي قدرت ترجع فولدرات كان فاكر إنه مسحها. تذاكر طيران، صور نادين وهي حامل، شات مع أمه، وإيميلات سريعة عن تفتيش من النيابة الأموال العامة! شركة “العطار” كانت تحت التحقيق في قضايا إهدار مال عام وتسهيل استيلاء على أراضي دولة. لو رامي فضل عايش بشخصيته كان هيترمي في السجن.. بس وهو “م.يت”، بقى في الأمان! بمساعدة التحريات، جابوا عينات من أماكن عامة دخلها رامي: كوباية قهوة، منديل، شوكة.. تحليل الـ DNA في معمل خاص أكد إن سعاد هي الأم البيولوجية لـ “كريم الألفي” بنسبة 99.99%.
فاضل الاعتراف. عزمت سعاد على فنجان قهوة في صالة خاصة بفندق في الزمالك. جرت برفيوم غالي، ولابسة لولي، وداخلة بوش الأرملة الحنونة. — “شفت راجل نسخة من رامي..” دلقِت القهوة على المفرش! — “انتِ تعبانة يا بنتي، الحزن بيعمل أكتر من كده.” حطيت نتيجة تحليل الـ DNA على الترابيزة. وشها اتغير، والماسك وقع في ثانية. تفت بقرَف وقالت: — “حتى لو عرفتِ، مش هتعرفي تثبتي حاجة! رامي العطار م.يت بالقانون.. انتِ كنتِ مجرد كارت بنستغله لما كان اسم عيلتك بيفتح أبواب. نادين هي الست الوحيدة اللي ابني حبها!”