جوزي كان بقى له ثلاث شهور
وحكاية “ألمانيا” كانت عشان يقنع بابا مريم إن “مراته المرحومة” خلاص مابقاش ليها وجود.
بس كريم غلط غلطة عمره: استهان براجل مريض وناصح!
والد مريم كان مكلم المحاسب بتاعه قبل ما يموت بـ 3 أيام: “جمد أي تعاملات تخص الفولي لحد ما أراجعها بنفسي.”
كريم كان لسه قاعد معايا في البيت.. مش بأرادتي، بس رشا نصحتني متسرعش بالطرده لحد ما نظبط الموقف القانوني.
كنا عايشين زي الأغراب.. هو يروح شغله وأنا أروح شغلي، نأكل لوحدنا وننام في أوض مختلفة.
كان بيحاول يتكلم:
— الموضوع زاد عن حده أوي يا نادية..
أو:
— مريم مش متزنة نفسياً..
أو:
— بنت عمك بتملى دماغك بأوهام!
ماكنش بيجيب سيرة الفولس خالص.. لحد ما في ليلة، سبت نسخة من تحويل الـ 180 ألف دولار على تربيزة المطبخ.
دخل وشافها.. وقف مكانه:
— إيه ده؟
— قول انت.
قراها وقال:
— ده استثمار عادي.
— ليه ما بلغتنيش؟
— بلغتك ووقعتِ!
— أنا موقعتش على تحويل المبلغ ده لشركة ملك والد خطيبتك!
وشه اتغير:
— مريم هي اللي قالتلك؟!
— يفرق معاك؟
— انتِ بتتكلمي معاها؟!
— خايف من إيه يا كريم؟
— انتِ مش فاهمة انتِ بتعملي إيه!
— فهمي انت!
حط الورقة وقال:
— دي كانت فرصة، الراجل كان محتاج سيولة، وكنا هناخد نسبة!
— كنا؟ مين إحنا؟
— أنا وانتِ!
— فين العقد؟
— بيتجهز..
— الراجل مات يا كريم! وتوقيعي مزور!
كريم بصلي بشر وقال:
— خلي بالك من تصرفاتك..
ابتسمت:
— ده تهديد؟
— دي نصيحة!
— طب خد النصيحة دي مني: ما تلمسش قرش واحد تاني من غير ما محاميتي تعرف!
كلمة “محاميتي” عملت التأثير اللي كنت عاوزاه.. وشه أصفر:
— انتِ أجرتِ محامي؟!
— اه.. لكل حاجة!
ولأول مرة أشوف الخوف الحقيقي في عينيه.. مش خوف إنه يخسرني، خوف إنه يفقد السيطرة!
بعدها بـ 3 أيام، مريم كلمتني وهي بتعيط:
— كريم جالي البيت..
— كان عاوز إيه؟
— عاوزني أوقع على ورق يخص التزامات بابا الله يرحمه!
— أوعي توقعي على حاجة!
— مش هوقع.. بس قال لي إنك بتدمريه، وإنك عندك مشاكل نفسية من ساعة وفاة باباكي!
غمضت عيني.. حزني على أبايا بقى وسيلة في إيده ثاني!
— صدقتيه؟
— لا يا نادية.. لأن قال لي عنك نفس الكلام اللي قالهولنا زمان عن واحدة شركته القديمة!
اسمها “سميرة”.. دورنا عليها ووصلنالها.