وقت العشاء سلفتي

من الموبايل
عندك حق. لكن قبل ما تمشي، فيه حاجة لازم تشوفيها.
داليا وقفت. قال شريف
البنك طلب نسخة من بطاقة مدام نوال اللي اتقدمت مع الموافقات. حسام طلع صورة من الملف. وحطها على السفرة. كانت صورة بطاقة حماتي. لكن تحتها كان فيه مستند تاني طلب استخراج بدل فاقد للبطاقة من سنة ونص. حماتي بصت فيه وقالت
أيوه… بطاقتي ضاعت وقتها. أحمد سأل
فاكرة ضاعت فين؟ حماتي فكرت. وبعدين بصت ناحية داليا. وشها اتغير
أنا ما ضيعتهاش. داليا ما اتحركتش. نوال قالت ببطء
كنت عندكم في البيت يوم عيد ميلاد كريم… وسيبت شنطتي عندك عشان أنزل أجيب حاجة من العربية. كريم لف ناحية مراته. حماتي كملت
تاني يوم البطاقة اختفت.
داليا صرخت
إنتِ بتتهميني إني سرقتها؟! لكن قبل ما حد يرد… موبايل حسام رن. بص للشاشة
معلش. رد
أيوه؟ سكت وهو بيسمع. ملامحه اتغيرت
متأكدين؟ سكت شوية
ابعتهولي حالًا. قفل المكالمة. فضل باصص للموبايل ثواني. وبعدين رفع عينه ناحية داليا. قال
التحويل اللي وقفناه النهارده ماكانش آخر محاولة. داليا اتجمدت. حسام كمل
فريق المراجعة اكتشف حساب تاني مرتبط بشركتك. كريم سأله
فيه كام؟ حسام قال
المشكلة مش كام. فتح الرسالة اللي وصلته. وبعدين بص لداليا وقال جملة خلت حتى داليا نفسها تسكت
لأن الشخص المسجل إنه وافق على فتح الحساب… هو والدكم.
أحمد قال
مستحيل. حسام هز راسه
إحنا عارفين. قلت
عارفين إزاي؟ رفع عينه لينا وقال
لأن تاريخ الموافقة الساعة 940 مساءً. وسكت لحظة
وفي الوقت ده والدكم كان في العناية المركزة… فاقد الوعي تمامًا.
محدش نطق. كريم بصلها. حماتي بصلها. وأحمد كان واقف مكانه ووشه متجمد. أما داليا… فالمرة دي ما حاولتش تدافع عن نفسها. جريت ناحيةشنطتها. فتحتها بسرعة، طلعت موبايلها، وبدأت تكتب حاجة.
حسام قال
مدام داليا، أنصحك ما تمسحيش أي بيانات. لكنها تجاهلته. وفجأة… موبايل كريم اللي كان على السفرة نَوّر. وصله إشعار. بص للشاشة. وبعدين رفع عينه لمراته. وقال
داليا… ما ردتّش. قرب منها
إنتِ ليه حولتيلي دلوقتي مليون جنيه؟ كلنا بصينا له. داليا اتجمدت. كريم فتح رسالة التحويل. وتحت المبلغ كان فيه وصف صغير للعملية. قرأه. وبعدين بص لها بصدمة
إنتِ كتبتي في سبب التحويل… وسكت. داليا قالت بسرعة
كريم، اسمعني الأول. لكنه كمل
رد جزء من مستحقاتك. ورفع الموبايل قدامها
مستحقاتي في إيه يا داليا؟
لأول مرة من ساعة ما بدأ الكلام… داليا ماكانش عندها إجابة. وحسام مد إيده ناحية الملف وقال
أعتقد إن الإجابة على السؤال ده هي اللي هتحدد إذا كان الأستاذ كريم ضحية… وبص له مباشرة
ولا كان شريك من البداية.
وهنا… وش كريم نفسه اتغير. وأنا لاحظت حاجة صغيرة جدًا. حاجة محدش على السفرة خد باله منها. إيده كانت بتترعش. مش من الصدمة. كان باصص على الورقة اللي فيها توقيع أبوه… وكأنه شافها قبل كده. وساعتها بس فهمت إن السر اللي داليا كانت بتحاول تخبيه… يمكن ماكانش سرها لوحدها.
فضلت باصة لإيد كريم. كانت بتترعش. مش رعشة واحد لسه مكتشف إن مراته سرقت. كانت رعشة واحد خايف إن الدور جاي عليه. حسام، محقق البنك، لاحظ نفس الحاجة. قرب الورقة اللي عليها توقيع حمايا ناحية كريم وقال
أستاذ كريم… حضرتك شوفت المستند ده قبل كده؟ كريم رفع عينه بسرعة
لأ. رد بسرعة زيادة عن اللزوم. حسام سأله
متأكد؟
أيوه متأكد.
داليا كانت واقفة بعيد عن السفرة، لكن أول ما كريم قال كده ضحكت. ضحكة صغيرة ومتوترة. وبعدين قالت
بجد يا كريم؟ كريم لف لها بعصبية
اسكتي يا داليا. قالت
لأ… مش هسكت.
داليا!
إنت هتعمل فيها الضحية دلوقتي؟ حماتي نوال بصت بينهم
إنتوا الاتنين مخبيين إيه؟ كريم قال بسرعة
مفيش حاجة يا ماما. هي بتحاول تلبسني معاها.
لكن داليا رجعت قعدت على الكرسي. والغريب إن توترها بدأ يقل. كأنها لما فهمت إنها مش هتعرف تنقذ نفسها… قررت ما تغرقش لوحدها. بصت لكريم وقالت
قول لهم مين أول واحد كلمني عن الصندوق. كريم سكت. داليا كملت
قول لهم مين اللي قال لي إن أبوك عامل بند للأحفاد، وإن مفيش حد بيراجع المصروفات بالتفصيل طول ما الورق موجود. كريم صرخ
أنا ما قلتش لك تسرقي! ردت
بس قلتلي إزاي الفلوس بتطلع.
السفرة سكتت. حماتي بصت لابنها
كريم؟ هز راسه بسرعة
والله يا ماما الموضوع مش كده. داليا فتحت موبايلها
طب نسمع الموضوع كان إزاي؟ كريم اتحرك ناحيتها
هاتي الموبايل. رجع حسام وقف بينهم
محدش يلمس حاجة.
داليا فتحت محادثة قديمة. وقالت
من سنتين تقريبًا، كريم كان عليه ديون. كريم قاطعها
ديون شركة، مش ديون شخصية!
ما تفرقش. وبصت لنا
مشروع دخل فيه وخسر مبلغ كبير، وكان خايف يقول لأمه وأخوه. أحمد بص لأخوه
ليه ما قلتليش؟ كريم ما ردش. داليا قالت
لأنه كان محتاج حوالي 90 ألف دولار بسرعة. أنا سألت
وإيه علاقة ده بصندوق والدكم؟ قالت
كريم هو اللي حكالي عنه. كريم خبط بإيده على السفرة
حكيتلك عنه، آه! لكن ما قلتلكيش نزور مستندات!
داليا قربت الموبايل من حسام
اقرأ. حسام أخد الموبايل. فضل يقلب في الرسائل شوية. وبعدين رفع عينه ناحية كريم
فيه رسالة من رقم حضرتك. كريم قال
كانت من سنتين! مش فاكر كل كلمة قلتها! حسام قرأ لو عرفنا نطلع أول دفعة بفواتير سليمة، بعدها الموضوع هيبقى أسهل. حماتي قعدت على الكرسي. حطت إيديها على وشها
يا نهار أبيض… كريم قال
استنى! الرسالة دي خارج سياقها! حسام قلب في الرسائل أكتر وفيه رسالة بعدها بيومين أنا هجيب صورة بطاقة ماما القديمة، وإنتِ شوفي موضوع التوقيع.
داليا بصت له
برضه خارج السياق؟ كريم سكت. أحمد قام من مكانه. كنت حاسة بالغضب في وشه، لكنه سيطر على نفسه. قال
إنت أخدت بطاقة ماما؟ كريم قال
ما أخدتهاش. داليا ردت
لأ، أخدتها.
إنتِ كدابة!
وإنت جبان.
حماتي رفعت راسها فجأة. وبصت لابنها
بصلي يا كريم. ما بصش لها. قالت
بصلي. رفع عينه بالعافية. سألته
إنت أخدت بطاقتي؟ فضل ساكت.
جاوبني. وأخيرًا قال
كنت هرجع الفلوس.
نوال قفلت عينيها. الجملة دي كانت كفاية. ما احتاجتش اعتراف تاني. أحمد رجع قعد جنبي. أما حسام، فبدأ يكتب ملاحظات. قلت
يعني كريم وداليا بدأوا الموضوع سوا؟ حسام قال
الظاهر من الرسائل إن أول معاملات على الأقل تمت بمعرفة الاتنين. داليا قالت
أول دفعتين بس. كريم لف لها
اخرسي! قالت
لأ. وبصت لحسام
أول دفعة كانت عشان نسدد ديونه. والتانية عشان نغطي الأولى. سألها
وبعد كده؟ سكتت.
بعد كده كملتي لوحدك؟ قالت
اكتشفت إن الموضوع أسهل مما توقعت.
حماتي بصت لها بقرف
يعني لما خلصتوا ديونكم، بدل ما توقفوا… داليا قالت
أنا كنت هرجع كل حاجة. نوال ضحكت بمرارة
منين؟ ما ردتّش. حسام قال
جزء من الأموال دخل الشركة، وجزء اتصرف على تجديدات وعربية وسفر، وفي تحويلات تانية لسه بنراجعها. كريم قال بسرعة
أنا ماليش علاقة بأي حاجة حصلت بعد أول دفعتين. حسام رد
ده مش أنا اللي أحدده.
الأستاذ شريف، اللي كان لسه معانا على الموبايل، قال
ولا العيلة هي اللي هتحدده. كريم بص للموبايل. شريف كمل
من اللحظة دي الموضوع هيتحول رسميًا للجهات المختصة، وهي اللي هتحدد مسؤولية كل شخص. داليا قالت
يعني إيه؟
يعني الصندوق هيرفع دعوى لاسترداد الأموال، وكل المستندات المزورة هتتسلم للتحقيق.
داليا قعدت. لأول مرة من بداية الليلة، ماكانش عندها حاجة تقولها. لكن كان فيه سؤال واحد لسه في دماغي. بصيت لحسام
والحساب اللي اتفتح قبل وفاة حمايا ب يوم؟ قال
ده أخطر جزء. كريم رفع