اول ما خرجت
ليلى فضلت واقفة قدام ياسر وهي ماسكة الموبايل بإيد بتترعش
الرسالة كانت من رقم مجهول
لو عايزة تعرفي ليه الشرطة وصلت الشركة متروحيش القسم ومتثقيش في ياسر
ليلى رفعت عينيها لياسر وقالت
إنت مخبي عني إيه
ياسر حاول يقرب منها
والله ما أعرف مين بعتلك الرسالة دي
قالتله بعصبية
أمال الشرطة بتدور على اسمي ليه
ياسر سكت
وده كان كفاية يخلي ليلى تشك فيه أكتر
قالت
اتكلم يا ياسر
رد بعد لحظات
من شهرين حصلت مشكلة في حسابات الشركة
ليلى قاطعته
وأنا مالي
قال
المشكلة إن فيه تحويلات بمبالغ كبيرة خرجت من حساب الشركة واتحولت على حساب باسمك
ليلى اتصدمت
باسمي أنا
هز راسه
أيوه
ضحكت من شدة الصدمة
إنت فاكرني غبية للدرجة دي
قال بسرعة
أنا عارف إنك معملتيش حاجة
طب والشرطة
لسه هيتكلم لما موبايله رن تاني
بص للشاشة وبعدها قفل المكالمة
ليلى قالت
مين
محمود مدير الحسابات
وليه مش بترد عليه
عشان هو اللي بلغني إن الشرطة وصلت
ليلى رجعت خطوة لورا
وبعدين افتكرت حاجة
قالت
استنى
إنت قلت إن التحويلات حصلت من شهرين
أيوه
بس أنا كنت وقتها في إسكندرية
بالظبط
يعني مين كان عنده صلاحية يدخل على حسابات الشركة
ياسر سكت
ليلى بصتله وقالت
إنت
قال
أنا آه
وفيه اتنين غيري
مين
ياسر بلع ريقه وقال
محمود مدير الحسابات وسارة
ليلى ضحكت بسخرية
سارة تاني
وبعدين بصتله بحدة وقالت
إنت عايز تقنعني إن الست اللي كنت بتقول إنها مجرد موظفة هي كمان كانت عندها صلاحية على حسابات الشركة
ياسر رد
أنا مديتهاش الصلاحية
ليلى قربت منه
يبقى مين اداها
قبل ما يرد سمعوا صوت عربية شرطة بتقف تحت العمارة
ياسر بص من الشباك واتوتر
ليلى قالت
إنت قلتلي الشرطة وصلت الشركة
قال
واضح إنهم وصلوا هنا كمان
ليلى فتحت باب الشقة وقالت