حمايا كان عنده عمارتين

هو بيمسح دموعه ولاد عمي كلهم في الشارع وبيقولولي إن جدي بيكرهنا، وإنه هيديهم فلوس وعمارات لما ېموت وإحنا مش هييدينا حاجة عشان إحنا مش زيهم.
ساعتها مسكت نفسي بالعافية وقلتله عيب يا حبيبي، جدك عايش وربنا يديه طولة العمر، والكلام ده عيب ومينفعش يتقال، جدك بيحبنا كلنا. سكتّه بالعافية، بس جوايا كان ڼار مولعة.. ليه يا حاج تعمل فينا كده؟ ليه ټجرح ابنك اللي مكنش بينام إلا لما يطمن عليك ؟
ومكملش شهر.. والحاج اتوفى.
يوم العزا، البيت كله كان مقلوب، بس محدش كان زعلان بجد ومن قلبه غير راضي جوزي إخواته وسلايفي كانوا ماشيين في العزا وعينيهم بتلمع، مبسوطين بالورث الكنز اللي بقى في إيديهم رسمياً، ومستنيين يخلصوا أيام العزا عشان يقبضوا أول إيجار للعمارتين.
وبعد اسبوعين من وفاتة حصلت حاجه غريبه جدا ..حاجه خلت الصدمة تحل على الكل ، وقتها بس فهمنا معنى كلام حمايا والسر اللي محدش اتخيله ولا حتى في الاحلام !!!
بعد أسبوعين بالظبط من ۏفاة حمايا، كنا قاعدين كلنا في الصالة، لما سمعنا خبط شديد على الباب.
راضي قام يفتح، لقى راجل غريب واقف ومعاه ملف كبير في إيده.
قال لراضي الحاج راضي؟
راضي قاله أيوه أنا.
الراجل مد إيده وسلم عليه، وقال أنا المحامي اللي كان بيتابع شغل والدك.
أول ما قال الجملة دي، عادل وتامر خرجوا من أوضهم بسرعة، وسألوه خير؟ فيه إيه؟
المحامي بص لهم وقال أنا جاي أنفذ وصية والدكم الأخيرة.
ساعتها أنا حسيت إن قلبي وقف.
تامر ضحك وقال وصية؟! ما أبويا وزع كل حاجة قبل ما ېموت، والعمارتين بتوعنا بعقود رسمية.
المحامي هز راسه وقال أنا عارف.
عادل قرب منه وقال أمال وصية إيه؟
المحامي فتح الملف بهدوء، وطلع ورق مختوم، وقال
العمارتين اللي والدكم كتبهم باسمكم… مش معناهم إنكم هتملكوا دخلهم.
وشهم اتغير في لحظة.
تامر قال بعصبية يعني إيه؟
المحامي رد يعني والدكم نقل الملكية ليكم فعلًا، لكن حط شرط واضح في العقود.
عادل خطڤ الورقة من إيده وبدأ يقرا، وكل ما يقرا سطر، وشه كان بيصفر أكتر.
راضي كان واقف بعيد، ساكت، وأنا كنت ببص عليه.
المحامي قال والدكم كان عارف إنكم هتختلفوا بعد مۏته، وعشان كده كتب كل حاجة بالتفصيل.
تامر صړخ طب قول لنا! إيه الشرط؟
المحامي بص له وقال إن إيرادات العمارتين بالكامل يتم توجيهها لصندوق عائلي، ويتصرف منها على علاج والدتكم، وتعليم أولادكم، ومصاريف البيت الأساسية، لحد ما أصغر حفيد يوصل لسن الرشد.
عادل قال إيه؟!
المحامي كمل وبعد كده، يتم توزيع صافي الإيرادات بين الأبناء الثلاثة بالتساوي.
السكوت نزل على المكان.
بصيت لراضي، لقيته واقف كأنه مش مستوعب.
تامر قال طب وراضي؟
المحامي ابتسم ابتسامة صغيرة وقال راضي ليه بند خاص.
ساعتها أنا حسيت إن الكلام اللي قاله حمايا قبل مۏته بيرجع في وداني
وأنت يا راضي… كفاية عليك مراتك.
المحامي طلع ورقة