انا مدير المستشفى
لمحة نيوز
أبويا كان بيقول لي انتي واحدة وسط مئات. محدش هياخد باله. وكنت بصدقه. كنت بروح البيت كل أجازة أغسل المواعين عشان بنت مراته عندها فوتوسيشن. وأطبخ. وأنضف. وأسمع كلمة انتي مش زيها. هي أحلى. هي أشطر. هي هتتجوز واحد مهم
وأنا كنت بسكت. عشان كنت فاكرة لو سكت هيحبني
بس النهاردة فهمت. الحب مش إنك تسكت لما تتزق في المطر. الحب إن حد يحط فوقك شمسية وانت واقف في المطر ويقول لك تعالي معايا انتي مش هتدخلي من باب الضيوف
بصيت للقائد
شكراً
وشكراً لكل زمايلي اللي شالوني لما وقعت. وشالتهم لما وقعوا. انتو عيلتي الحقيقية. العيلة اللي مش بتقول انتي بتكسفينا. العيلة اللي بتقول احنا بندور عليكي
وأخيراً. عايزة أقول حاجة لأي بنت واقفة في المطر دلوقتي وأبوها بيقول لها انتي بتكسفينا. انتي مش بتكسفي حد. انتي الأولى. حتى لو لسه مخدتيش النجمة. انتي الأولى في عين نفسك. وده كفاية
ومتخليش حد ياخد دعوتك. حتى لو كان أبوكي
سكت
القاعة كلها واقفة
بتسقف
5 دقايق تصقيف
وأبويا؟
أبويا قاعد
وشه أحمر
مرات أبويا بتعيط مش عشان متأثرة
عشان مكسوفة
وبنتها؟
بنتها بتحاول تداري الدعوة الدهبي في شنطتها
3. بعد الحفلة
نزلت من المسرح
ظباط كتير جم يسلموا عليا
مبروك يا حضرة الملازم
شرفتينا
عايزينك تخدمي معانا
وأبويا جه
متأخر
بعد ما كل الناس سلمت
أنا… أنا مكنتش أعرف
كنت تعرف. أنا قلت لك 100 مرة إني الأولى. انت مسمعتش. عشان كنت مشغول بتصور بنت مراتك بالدعوة بتاعتي
أنا آسف
متتأسفش. انت علمتني درس مهم. علمتني إن مش كل أب بيبقى أب. ومش كل بيت بيبقى بيت. ومش كل دعوة VIP بتبقى للي قاعد في كرسي ال VIP. ساعات بتبقى للبنت اللي واقفة في المطر بره
طب نروح البيت؟
أنهي بيت؟ البيت اللي فيه أوضة بنت مراتك أكبر من أوضتي؟ ولا البيت اللي فيه صورها في كل حتة وصوري مفيش؟
سكت
أنا همشي دلوقتي. عندي شغل. أول يوم ليا كملازم أول. مش كواحدة بتغسل المواعين
مشيت
وسيبته واقف
في نفس المكان اللي زقني فيه الصبح
بس المرة دي
أنا اللي ماشية
وهو اللي واقف في المطر
لوحده
من غير شمسيه
1. أول يوم شغل
أول يوم شغل ليا كملازم أول
صحيت 5 الصبح
لبست البدلة
النجمة بتلمع
الجايزة بتاعة الشرف محطوطة في العلبة جنب السرير
أبويا بعتلي 20 رسالة من امبارح
مردتش على ولا واحدة
أنا آسف
كلميني
تعالي البيت
بنت مراتي عايزة تعتذر
مراتي عيطت طول الليل
معلش
عيطت طول الليل عشان اتكشفت
مش عشان زعلانة عليا
أنا عارفة
لبست ونزلت
وصلت الوحدة بتاعتي
أول وحدة هخدم فيها
القائد مستنيني
حضرة الملازم. مبروك التخرج. سمعت الكلمة بتاعتك امبارح. كل القاعدة بتتكلم عنها
شكراً يا فندم
عندك أول مهمة. هتدربي الدفعة الجديدة. البنات اللي لسه داخلين. اللي فاكرين نفسهم مش هيكملوا شهر زي ما انتي كنتي فاكرة
تحت أمرك
دخلت العنبر
20 بنت
18 سنة
خايفين
لبسهم مش مظبوط
سرايرهم مش مترتبة
واحدة بتعيط
روحت لها
بتعيطي ليه؟
عايزة أروح بيتنا
بيتكم فين؟
في الصعيد. أبويا قال لي انتي بتكسفينا لما دخلتي الجيش
الله
نفس الجملة
طب تعالي
خدتها بره
شايفة النجمة دي؟
أيوه
أنا خدتها بعد ما أبويا قال لي نفس الجملة. انتي بتكسفينا. وزقني في المطر يوم تخرجي. وادى دعوتي لبنت مراته
وبعدين؟
وبعدين بقيت الأولى على الدفعة. وبقيت هنا. بدربك انتي. فلو انتي عايزة تروحي بيتكم روحي. بس لو عايزة توري لأبوكي إنك مش بتكسفي حد خليكي
البنت مسحت دموعها
هخليكي
برافو. روحي رتبي سريرك. بالمسطرة. زي ما أنا اتعلمت
2. أبويا جه الوحدة
بعد الضهر
العسكري قالي
فيه واحد بره عايز يقابل حضرة الملازم. بيقول إنه أبوكي
قول له مش موجودة
موجودة. شايفك من الشباك
طلعت
أبويا واقف بره السور
مش عارف يدخل
عشان دي منطقة عسكرية
ممنوع دخول مدنيين من غير تصريح
عايز إيه؟
عايز أتكلم معاكي
اتكلم
مش هنا. الناس بتبص
خليهم يبصوا. انت مش كنت بتقول عليا بكسفك قدام الناس؟ دلوقتي خلي الناس تبص
يا بنتي أنا غلطت
أيوه غلطت. 4 سنين بتغلط. مش غلطة واحدة
مراتي… مراتي هي اللي…
لا متقولش مراتي. انت اللي اديت الدعوة. انت اللي زقيت. انت اللي قلت انتي بتكسفينا. مش مراتك. انت
سكت
أنا كنت فاكرك هتفشلي في الأكاديمية زي ما فشلتي في…
فشلت في إيه؟
فشلتي في إنك تبقي زي بنت مراتي. بتلبس فساتين. بتتصور. بتضحك للضيوف
أيوه أنا فشلت أبقى زيها. عشان أنا مش زيها. أنا ظابط. وهي بتتصور بالدعوة بتاعتي
طب اديني فرصة
فرصة إيه؟
أصلح
تصلح إيه؟ 4 سنين؟ هتصلحهم في دقيقة؟
هحاول
بصيت له
أول مرة من 4 سنين أبص له كويس
شعره بقى أبيض
وشه بقى عجوز
مكنتش واخدة بالي
عشان كنت مشغولة أثبت له إني مش بكسفه
عايز تصلح؟ روح قول لبنت مراتك إن الدعوة اللي اتصورت بيها دي كانت بتاعتي. وإنها خدت مكان مش مكانها. وإنها لازم ترجعها
هي رمتها
رمتها؟ الدعوة الدهبي اللي أنا تعبت 4 سنين عشان آخدها رمتها بعد ما اتصورت؟
أيوه
ضحكت
عادي. أنا معايا 100 دعوة زيها دلوقتي. بس دعوة واحدة منهم مكتوب عليها الأولى على الدفعة. ودي محدش يقدر يرميها
3. بنت مرات أبويا بعتتلي
بليل
لقيت رسالة على الإنستجرام
من بنت مرات أبويا
أنا آسفة. مكنتش أعرف إنها مهمة كده. كنت فاكراها مجرد حفلة
مردتش
بعتت تاني
أبوكي بيعيط من امبارح
مردتش
بعتت تالت
أنا مسحت الصورة
ساعتها رديت
مسحتي الصورة بس خدتي الكرسي. الكرسي لسه بتاعك في ذاكرة الناس. الناس اللي شافوكي قاعدة في ال VIP مفكرين إنك أنا. وإن أنا اللي بره في المطر
طب أعمل إيه؟
تعملي إيه؟ تروحي تقولي للناس إن الكرسي ده مكنش بتاعك. وإنك خدتي دعوة مش بتاعتك. وإنك اتصورتي بحاجة متعبتيش فيها
محدش هيصدقني
أيوه محدش هيصدقك. زي ما محدش صدقني 4 سنين لما كنت بقول إني الأولى
عملت لها بلوك
4. القائد قالي الحقيقة
تاني يوم
القائد ندهلي
عايز