رجعت شغلى

الجزء التاني
قبل الهبوط بحوالي نص ساعة، داليا قامت فجأة وبدأت تدور في جيب الكرسي.
شنطتي الزرقا!
الناس بصتلها.
قالت بصوت عالي
كان فيها 1800 يورو ومجوهرات ماما!
قربت منها حسب إجراءات العمل.
آخر مرة شوفتيها إمتى؟
بصتلي في عيني.
قبل الإقلاع.
وسكتت ثانية.
وبعدين قالت
وإنتِ عديتي من هنا كذا مرة.
الركاب بدأوا يبصوا لبعض.
كريم نزل عينه.
داليا كملت
إحنا أصلًا نعرف بعض، وهي من ساعة ما شافتني أنا وكريم وهي متوترة.
وبعدين قالت
مين يضمن إنها ماحاولتش تنتقم؟
حسيت بحاجة جوايا بردت تمامًا.
دي ماكانتتش خيانة وبس.
دي كانت محاولة لتدمير شغلي وسمعتي.
رئيسة الطاقم هالة اتدخلت فورًا وبلغت الكابتن.
حسب الإجراءات، الموضوع لازم يتسجل ويتراجع بعد الهبوط، وأمن المطار هيكون مستنينا.
الدكتور ياسين قرب مني بهدوء.
أنا لاحظت الست دي من أول الرحلة.
بصيت له.
كمل
هي طول الوقت كان شنطتها على رجليها. ماشفتهوش مرة إنها حطت إيدها في جيب الكرسي.
ست كبيرة قاعدة في الصف 7 تدخلت وقالت
وأنا كمان شفتها.
كلنا بصينا لها.
قالت
أنا كنت شايفة الصف ده طول الوقت. البنت دي ماكانتش مهتمة بالشنطة أصلًا إلا لما المضيفة ظهرت قدامها.
جوزها هز راسه.
وأنا شفتها قاعدة جنب الراجل ده من أول الطيارة.
داليا بدأت تتوتر.
كريم بص لها وقال
أنا قولتلك ماتعمليش كده.
داليا قربت منه وهمست
يا تساعدني يا كريم
وسكتت.
وبعدين قالت
يا إما أقول لمامتك ليه إنت بقالك 6 شهور مش قادر تلغي الجواز.
سمعت كل كلمة.
وفي اللحظة دي
الألم اختفى.
مافضلش غير قرار واحد.

الجزء التالت
الطيارة هبطت الساعة 218 الظهر.
الكابتن أعلن على الركاب يفضلوا في أماكنهم.
كان فيه بلاغ عن اختفاء متعلقات ثمينة.
أمن المطار كان مستنينا.
وموظفين من شركة الطيران.
وفريق طبي.
الراجل الكبير اللي وقع أثناء الرحلة خرج الأول عشان يروح المستشفى.
وقبل ما ينزل، دور عليا بعينه.
ولما شافني قال
ماتخليش حد يخليكي تشكي في نفسك.
ابتسمت له.
لكن الجملة وجعتني أكتر من أي إهانة.
لأن كريم طول السنين اللي فاتت كان بيخليني أشك في نفسي وأنا مش
لمحة نيوز